ABŞ Ordusu üçün ilk AMPV istehsal xəttindən çıxıb

ABŞ Ordusu üçün ilk AMPV istehsal xəttindən çıxıb

ABŞ Ordusu üçün “BAE Systems” şirkəti tərəfindən istehsal edilən ilk Zirehli Çox Məqsədli Vasitə (Armored Multi-Purpose Vehicle- AMPV) istehsal xəttindən çıxıb.

Azeri Defence saytının bildirdiyinə görə, bu barədə “BAE Systems” şirkəti məlumat yayıb.

“BAE Systems”in AMPV proqram direktoru Bill Şeehy bildirib ki, “ilk AMPV-nin çatdırılması ABŞ Ordusunda yeni və böyük bir mərhələdir”.

“AMPV gələcək müharibələrdə zirehli döyüş maşınlarının tapşırıqlarını yerinə yetirmək üçün nəzərdə tutulur”, – deyə şirkət nümayəndəsi vurğulayıb.

Ordunun təhlükəsizlik və heyətin həyatda qalması üçün əsas prioritetlərinin nəzərə alındığı AMPV ailəsi Vyetnam müharibəsi dövründən qalan M113-lərin yerini alacaq.

AMPV ailəsinə aşağıdakı konfiqurasiyalar daxildir:

  • Ümumi təyinatlı nəqliyyat vasitəsi;
  • Minaatan daşıyıcısı;
  • Tibbi Evakuasiya vasitəsi;
  • Tibbi Müalicə vasitəsi.

AMPV qoşun sınaqları çərçivəsində 20 müxtəlif sınaqdan keçirilib və bütün tələbləri yerinə yetirib.

 

KATEQORIYA:
TEQLƏR
Bu xəbəri paylaş