ABŞ Rusiyanın qərb qonşularını silahlandırır
ABŞ Rusiya ilə qonşuluqda yerləşən müttəfiq ölkələri yeni texnika və silahlarla təchiz etməkdə davam edir. Ukraynada baş verən məlum hadisələrdən sonra bölgədə mərhələli şəkildə ABŞ-ın təsir imkanları güclənir.
“AzeriDefence”nin məlumatına görə, son 1 il ərzində Rusiyanın Avropa ilə həmsərhəd ölkələrində ABŞ hərbi texnikasının sayı durmadan artır.
Bir neçə gün öncə isə Ukrayna Ordusu ABŞ-ın radio lakasiya sistemi ilə təchiz olunub. Noyabrın 14-də HMMWV avtomobili üzərində inteqrasiya olunmuş 2 ədəd AN/TPQ-36 “Firefinder” RLS Ukrayna hərbçilərinə təhvil verilib.
Bu sistem düşmənin artilleriya qurğularını 15-25 km məsafədə aşkar edə bilir.
Ümumiyyətlə isə 2014-2015-ci illərdə ABŞ tərəfindən Ukrayna Suilahlı Qüvvələrinə 20 ədəd AN/TPQ-48A LCMR RLS sistemləri verilib.
ABŞ analoji hərbi əməkdaşlığı Estoniya ilə də həyata keçirir. Yerli medianın açıqlmasında görə, bu günlərdə ABŞ tərəfindən Estoniya Ordusu 155 mm-lik “Paladin” M109A6 özüyeriyən artilleriya qurğuları ilə təchiz olunub.
Daha əvvəl isə Estoniyaya M1A2 “Abrams” tankları və “Bradley” zirehli texnikası verilib.