ANAMA 1068 ədəd partlamamış hərbi sursatı zərərsizləşdirib

Azərbaycan Ərazilərinin Minalardan Təmizlənməsi üzrə Milli Agentlik (ANAMA) tərəfindən 2016-cı ilin dekabr ayı ərzində respublika ərazisində 2 352 225 m2 ərazi yoxlanılıb.

Bu barədə “AzeriDefence”yə ANAMA-nın mətbuat xidmətindən məlumat verilib.

Yoxlama nəticəsində 1068 ədəd partlamamış hərbi sursat, 1 ədəd tank əleyhinə və 13 ədəd piyada əleyhinə mina zərərsizləşdirilib.

Əməliyyatlarda 489 nəfər əməliyyat heyəti və 130 nəfər inzibati heyət, 6 mexaniki minatəmizləmə maşını və 34 minaaxtaran it iştirak edib.

Agentlik tərəfindən dekabr ayı ərzində təmizləmə əməliyyatları Bakı şəhərində, Abşeron, Ağdam, Ağcabədi, Ağstafa, Cəbrayıl, Füzuli, Tərtər, Göygöl, Qazax rayonlarında, o cümlədən paytaxtın Qaradağ rayonu ərazisində və ayrıca Güzdək qəsəbəsində həyata keçirilib.

Ümumilikdə Agentlik tərəfindən indiyədək cəmi 393 832 826 m2 ərazi təmizlənib və nəticədə 754 010 partlamamış hərbi sursat zərərsizləşdirilib.

KATEQORIYA:
Bu xəbəri paylaş