Azərbaycan ilə İran arasında hərbi-texniki sahədə əməkdaşlıq məsələləri müzakirə olunub

Azərbaycan ilə İran arasında hərbi-texniki sahədə əməkdaşlıq məsələləri müzakirə olunub

Baş nazirin müavini Şahin Mustafayevin rəhbərlik etdiyi nümayəndə heyəti dekabrın 22-də İran İslam Respublikasına səfər edib.

Nazirlər Kabinetinin mətbuat xidmətindən “Azeri Defence”ə verilən məlumata görə, səfər zamanı Ş.Mustafayev İran Prezidenti Administrasiyasının rəhbəri Mahmud Vaezi, energetika naziri Rza Ərdəkanian, müdafiə və silahlı qüvvələrə dəstək naziri Əmir Hatəmi ilə görüşüb danışıqlar aparıb.

Görüşlər zamanı İran rəsmiləri uzun illərdir işğal edilmiş Azərbaycan ərazilərinin azad olunması münasibətilə təbriklərini çatdırıblar. İran tərəfinin işğaldan azad olunmuş ərazilərdə yenidənqurma və bərpa işlərində hərtərəfli dəstək göstərməyə hazır olduğu ifadə edilib. Həmçinin, ölkələrimiz arasında yol-nəqliyyat, energetika, iqtisadi-ticarət, infrastruktur, o cümlədən hərbi-texniki sahələrdə əməkdaşlığın mövcud vəziyyəti və gələcək perspektivləri haqqında müzakirələr aparılıb.

Müdafiə və Silahlı Qüvvələrə Dəstək Nazirliyində keçirilən görüş zamanı iki ölkə arasında hərbi-texniki sahədə əməkdaşlıq məsələlərinə dair ətraflı fikir mübadiləsi aparılıb. İran tərəfi işğaldan azad olunmuş ərazilərdə mina və partlayıcı maddələrin zərərsizləşdirilməsi sahəsində öz təcrübə və imkanlarını Azərbaycan tərəfi ilə bölüşməyə hazır olduğunu bildirib.

KATEQORIYA:
Bu xəbəri paylaş