Azərbaycan-Türkiyə birgə təlimləri Ermənistanda qorxu yaradıb – Müdafiə Nazirliyi

Azərbaycan-Türkiyə birgə təlimləri Ermənistanda qorxu yaradıb – Müdafiə Nazirliyi

Ermənistan silahlı qüvvələrinin mərkəzi tabelikdə olan, eləcə də birinci eşelonda yerləşən hərbi hissələrinin yüksək döyüş hazırlığı səviyyəsinə gətirilməsi və onların qəfil yoxlanılması barədə yayılan xəbərlərə Azərbaycan Müdafiə Nazirliyindən münasibət bildirilib.

Müdafiə Nazirliyinin mətbuat xidmətində Azeri Defence saytına verilən məlumata görə, bunun əsas səbəbi ölkəmizdə keçirilən Azərbaycan-Türkiyə birgə təlimlərinin Ermənistan hakimiyyətində yaratdığı xof və qorxudur.

“Silahlı Qüvvələrin Ali Baş Komandanın dünən Balakəndə söylədiyi “Erməni xalqı nəhayət başa düşməlidir ki, əgər onlar normal ölkədə yaşamaq istəyirlərsə, erməni silahlı qüvvələri mütləq bizim torpaqlarımızdan çıxmalıdır… Azərbaycan öz ərazi bütövlüyünü bərpa edəcək!” fikirlərini əsas tutan Azərbaycan Ordusunun şəxsi heyəti qarşıda duran bu müqəddəs vəzifənin yerinə yetirilməsi üçün peşəkarlığını və döyüş qabiliyyətini gündəlik məşqlər və təlimlərdə daim artırır”, – deyə Müdafiə Nazirliyinin məlumatında bildirilib.

Müdafiə Nazirliyi bəyan edib ki, Azərbaycan Ordusunun döyüş qabiliyyəti və hərbi potensialı döyüş meydanında düşmən üzərində üstünlüyünü təmin edəcək ən əsas göstəricidir. Əgər Ermənistan tərəfi çirkin niyyətlərinə nail olmaq üçün yenidən təxribatlara əl atarsa Azərbaycan Ordusu onların cavabını layiqlincə verəcəkdir.

KATEQORIYA:
Bu xəbəri paylaş