Azərbaycan Ukraynadan hərbi nəqliyyat təyyarələri alır

Azərbaycan Ukraynadan 10 ədəd yeni hərbi nəqliyyat təyyarəsi alacaq.

“AzəriDefence”nin xarici mediaya istinadən verdiyi məlumat görə, Azərbaycanın “Silk Way” aviaşirkəti ilə Ukraynanın “Antonov” dövlət müəssisəsi arasında 10 ədəd “An-178” tipli orta tutumlu hərbi nəqliyyat təyyarəsinin alınması barədə müqavilə imzalanıb.

Azərbaycana satılması planlaşdırılan nəqliyyat təyyarələrinin çatdırma müddəti və müqavilənin detalları hələ məlum deyil.

Əvvəlcə 2, daha sonra isə 8 təyyarənin Azərbaycana gətirilməsi nəzərdə tutulur.

Qeyd edək ki, “An-178” təyyarəsinin yükgötürmə qabiliyyəti 18 tondur. Bu təyyarə bazarda “An-12” təyyarəsini əvəz etmək üçün hazırlanıb.

Bu model İtaliyanın “Alenia” şirkətinin C-27J, ABŞ-ın “Lockheed Martin” şirkətinin C-130, Braziliyanın “Embraer” şirkətinin KC-390 və Rusiyanın İl-214 təyyarələrinə rəqibdir.

KATEQORIYA:
TEQLƏR
Bu xəbəri paylaş