AzTU ilə İDRAK şirkəti arasında memorandum imzalanıb

AzTU ilə İDRAK şirkəti arasında memorandum imzalanıb

Sentyabrın 22-də Azərbaycan Texniki Universiteti (AzTU) ilə “İdrak Texnoloji Transfer” MMC arasında əməkdaşlıq haqqında memorandum imzalanıb.

Bu barədə Azeri Defence saytına AzTU-nun mətbuat xidmətindən məlumat verilib.

Sənədi AzTU-nun rektoru Vilayət Vəliyev və MMC-nin prezidenti Hikmət Abdullayev imzalayıb. Tərəflər “Ağıllı təhsil” proqramının layihələndirilməsi və tətbiqi, AzTU məzunlarının, həmçinin universitetin müxtəlif fakültələrinin bakalavr və magistr səviyyələrində təhsil alan tələbələlərinin şirkətdə işlə təmin edilməsi, birgə elmi-tətbiqat laboratoriyalarının yaradılması ilə bağlı razılığa gəliblər.

Qeyd edək ki, AzTU-nun istedadlı tələbə və məzunlarının startap layihələri “İdrak Texnoloji Transfer” MMC tərəfindən dəstəklənir.

KATEQORIYA:
Bu xəbəri paylaş