Belarus hərbi paradda yeni YARS-larını nümayiş etdirəcək

Belarus hərbi paradda yeni YARS-larını nümayiş etdirəcək

Belarus Dövlət Hərbi-Sənaye Komitəsi mayın 9-da faşizm üzərində qələbənin 75-ci ildönümü münasibəti ilə Minskdə keçiriləcək hərbi paradda ilk dəfə “Fleyta” adlı yaylım atəşli reaktiv sistemini (YARS) nümayiş etdirəcək.

Bu barədə “AzeriDefence” Belarus Dövlət Hərbi-Sənaye Komitəsinə istinadən məlumat verib.

Belarusun “Aqat İdarəetmə Sistemləri” şirkəti tərəfindən hazırlanan “Fleyta” YARS S-8 tipli 80 mm çaplı idarəolunmayan aviasiya raketlərdən istifadə edir. YARS 4×4 təkər formullu zirehli “Asilak” SHTS avtomobilinin şassisində qurulub.

Sistemin komanda-idarəetmə məntəqəsi isə “Asilak” APC-6 zirehli avtomobilinin üzərində yerləşir. Zirehli maşının kütləsi 6970 kq, heyəti 2 nəfər, effektiv atış uzaqlığı 1000 metrdən 3000 metrədəkdir. “Fleyta” YARS “Alyans” avtomatlaşdırılmış idarəetmə sistemi, həmçinin bort naviqasiya kompleksi ilə təchiz olunub. “Fleyta” YARS poliqon sınaqları mərhələsindədir. Sınaqların 2020-ci ildə yekunlaşdırılması gözlənilir.

Hərbi paradda həmçinin yeni yaradılan “Vistl” adlı məsafədən idarə olunan robot sistem nümayiş etdiriliəcək. “Vistl” robot sistemi 57 mm çaplı müxtəlif modifikasiyalı S-5 tipli raketlər ilə təchiz edilir.

Süni intellekt qabiliyyətinə sahib olan “Vistl” elektro-optik termal kamera ilə komlektləşdirilib. Robot sistemi hədəfləri 3500 metrədək məsafədə aşkar etməyə qadirdir. Döyüş robotu elektron döyüşlərə qarşı patentləşdirilmiş bir texnologiya sahibdir. Robot sisteminin batareyasının istifadə müddəti 24 saatdır.

 

KATEQORIYA:
TEQLƏR
Bu xəbəri paylaş