Belarus “Qroza” antidron sisteminin yeni versiyasını hazırlayıb

Belarus “Qroza” antidron sisteminin yeni versiyasını hazırlayıb

Belarusun KB “Radar” müəssisəsi “Qroza” antidron sisteminin yeni versiyasını hazırlayıb.

Bu barədə “AzeriDefence” Belarus Dövlət Hərbi Sənaye Komitəsinə istinadən məlumat verib.

“Qroza-O” adlı yeni antidron sistemi KB “Radar”ın “Qroza” radioelektron mübarizə vasitələri ailəsinin ikinci nəsli hesab edilir.

“Qroza-O” sistemi, radio yönləndiricisi və üzərində quraşdırılmış rabitə sistemi olan uçan aparatdan, həmçinin bir operatorun noutbukundan ibarətdir. “Qroza-O” sistemi pilotsuz uçuş aparatları və onları idarə edən operatorların yerini aşkar etmək qabiliyyətinə malikdir.

“Qroza-O” sisteminin sələfi ilə müqayisədə hədəfi aşkar etmə dəqiqliyi artırılıb. Uçuş aparatının ölçüsü və çəkisi demək olar ki, yarıya endirilib, uçuş müddəti isə 30% artırılıb. Bundan başqa “Qroza-O” antidron sistemin uçuş məsafəsi 40% artırılıb və işləmə temperaturu genişləndirilib.

“Qroza” antidron sistemi əsasən təhlükəsizlik qüvvələri tərəfindən kütləvi tədbirlərdə təhlükəsizliyin təmin edilməsi üçün nəzərdə tutulub.

KATEQORIYA:
Bu xəbəri paylaş