Böyük Britaniya yeni raket proqramının icrasına başlayır

Böyük Britaniyada yeni raket və zenit-raket sistemlərinin yaradılması proqramı ilə bağlı sənəd təsdiq olunub.

“AzeriDefence”nin xarici mediaya istinadən verdiyi məlumatına görə, bunu Böyük Britaniyanın müdafiə məsələləri üzrə dövlət katibi Maykl Fellon deyib.

O bildirib ki, “Meteor” və “Common Anti-air Modular Missile” (CAMM) “hava-hava” raket sistemlərinin, o cümlədən gəmilər üçün nəzərdə tutulan “Sea Viper” zenit-raket kompleksinin yaradılmasına dair proqramın həyata keçirilməsi üçün müqavilə imzalanıb.

Proqram MBDA şirkəti ilə həyata keçiriləcək. Layihənin dəyəri 690 mln ABŞ dolları olacaq.

“Meteor” raketi kral Hərbi Hava Qüvvələrinin F-35V döyüş təyyarələrinə inteqrasiya olunacaq. 2018-ci ildən başlayaraq raketlər silahlanmaya daxil ediləcək.

Adıçəkilən raket yeni unikal mühərriklə təchiz olunub. Bu da ona hədəfə dəqiq zərbə endirməyə imkan verəcək.

KATEQORIYA:
Bu xəbəri paylaş