Cəbhədə daha 2 erməni hərbçisi öldürülüb
Cəbhə xəttində baş vermiş atışmada Ermənistan Ordusunun 2 hərbçisi öldürülüb. Bu barədə “AzeriDefence” Ermənistan mediasına istinadən məlumat verib.
Hadisə iyulun 31-də səhər Dağlıq Qarabağın şimal istiqamətində baş verib.
Atışma zamanı Ermənistan Silahlı Qüvvələrinin 2 hərbi qulluqçusunun öldürüldüyü bildirilsə də onların kimliyi və hadisənin təfərrüatları barədə əlavə məlumat verilməyib.
“AzeriDefence”nin məlumatına görə bununla cəbhə xəttində atəşkəsin pozulması zamanı Azərbaycan hərbçiləri tərəfindən 2014-cü ildə öldürülmüş Ermənistan Ordusunun hərbi qulluqçularının sayı 35-i keçib.
Öldürülmüş erməni əsgərləri 1994-cü il təvəllüdlü Ararat Vaçioviç Xanoyan və Azat Arturoviç Asoyandır.
KATEQORIYA: Müdafiə