DSX saxta sənəd­lə Azərbaycan gəlmək istəyən xarici vətəndaşları saxlayıb

Dövlət Sərhəd Xidmətinin (DSX) əməkdaşları saxtalaşdırılmış sənəd­lərlə dövlət sərhədini keçməyə cəhd edən şəxsləri aşkar ediblər.

DSX-nın mətbuat mərkəzindən “AzeriDefence”yə verilən məlumata görə, bu ilin yanvarın 29-da həyata keçirilən tədbirlər nəticəsində Heydər Əliyev Beynəlxalq Aeroportunda 012 nömrəli “Dubay-Bakı” avia­rey­si ilə ölkəmizə gələn Pakistan vətəndaşları Avan Şokas Hüseyn və İrfan Məhəmməd pasportlarında saxta Türkiyə vizası və üzər­lərində yapışdırılan saxta Avstraliya vizası aşkar olunaraq saxlanılıblar.

Həmin gün 334 nömrəli “İstanbul-Bakı” aviareysi ilə ölkəmizə gələn Nigeriya vətəndaşı Metobor Oke pasportunda Azərbaycan Res­pub­likasına məxsus saxta elektron viza olduğu üçün saxlanılıb.

Araşdırma aparıldıqdan sonra saxlanılan şəxslər geri qayta­rılıb.

KATEQORIYA:
Bu xəbəri paylaş