DTX: Rauf Xələfovun Milli Məclisdə olması xidməti vəzifələrin icrasından irəli gəlib

DTX: Rauf Xələfovun Milli Məclisdə olması xidməti vəzifələrin icrasından irəli gəlib

“İnternet resurslarında cari il iyulun 14-də gecə saatlarında bir qrup şəxsin təxribat məqsədilə Azərbaycan Milli Məclisinin inzibati binasına daxil olmasının Dövlət Təhlükəsizliyi Xidmətinin (DTX) əməkdaşı Rauf Xələfovla əlaqələndirilməsi kimi absurd, heç bir əsası və məntiqi olmayan fikirlər səsləndirilməkdədir”.

“AzeriDefence” xəbər verir ki, bu barədə Dövlət Təhlükəsizliyi Xidmətinin İctimaiyyətlə əlaqələr şöbəsinin yaydığı məlumatda deyilir.

Məlumatda bildirilib ki, Dövlət Təhlükəsizliyi Xidmətinin adı çəkilən əməkdaşının digər hüquq mühafizə orqanlarının işçiləri ilə həmin vaxt xüsusi mühafizə obyekti olan Milli Məclisdə olması xidməti vəzifələrin icrasından irəli gəlib.

“Ayrı-ayrı sosial şəbəkə və media resurslarında bilərəkdən qərəzli məqsədlər üçün belə məlumatları yayanlar, heç şübhəsiz düşmən və antiazərbaycan qüvvələr tərəfindən idarə olunduqlarını və onların sifarişlərini yerinə yetirdiklərini aydın şəkildə bir daha sübut edirlər.

Milli Məclisin binasında avadanlıq və inventarların sıradan çıxarılmasında və digər pozucu hərəkətlərdə iştirak etmiş şəxslər qanunvericiliyə uyğun məsuliyyətə cəlb olunacaqlar.

Dövlət Təhlükəsizliyi Xidməti vətəndaşlarımızı heç bir təxribata uymamağa və dövlətçilik mövqeyindən çıxış etməyə çağırır”, – deyə Dövlət Təhlükəsizliyi Xidmətinin məlumatında bildirilib.

KATEQORIYA:
Bu xəbəri paylaş