Elektron Təhlükəsizlik Xidməti: “WhatsApp” üzərindən spam mesajlar göndərilir

Elektron Təhlükəsizlik Xidməti: “WhatsApp” üzərindən spam mesajlar göndərilir

Azərbaycandan olan ”WhatsApp” istifadəçilərinə Rusiya ölkə kodlu saxta nömrələrdən həqiqətə uyğun olmayan ”spam” mesajlar göndərilir. Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti olaraq bildiririk ki, göndərilən mesajlar təxribat xarakteri daşıyır və həqiqəti əks etdirmir. Məqsəd dezinformasiya yaymaqla əhali arasında qorxu və təşviş yaratmaqdır.

Bu barədə Azeri Defence saytına Elektron Təhlükəsizlik Xidmətinin mətbuat mərkəzindən məlumat verilib.

“Bu cür mesajlar alan istifadəçilərdən xahiş olunur ki, bu mesajlara cavab verməyin, hər hansı keçidə daxil olmayın,”Report spam” seçimini etməklə mesajı ”spam” olaraq şikayət edin. Bundan əlavə, ”Parametrlər” bölməsindən ”Şikayət et/Report contact” düyməsini seçməklə kontaktı şikayət və blok edin. ”Spam” mesajlar ”WhatsApp” qaydalarını pozur və bu kontaktlar bloklanır”, – deyə Elektron Təhlükəsizlik Xidmətinin məlumatında bildirilib.

KATEQORIYA:
Bu xəbəri paylaş