FHN sosial dəstək tədbirlərini davam etdirir

FHN sosial dəstək tədbirlərini davam etdirir

Prezident İlham Əliyevin “Biz birlikdə güclüyük!” çağırışına əsasən, Fövqəladə Hallar Nazirliyi Ramazan bayramı günlərində də sosial dəstək tədbirlərini davam etdirir.

Fövqəladə Hallar Nazirliyinin mətbuat xidmətindən “AzeriDefence”ə verilən məlumata görə, FHN-in əməkdaşları tərəfindən Bakı şəhərinin Xəzər, Sabunçu, Suraxanı, Qaradağ, Xətai və Binəqədi rayonlarında yaşayan tənha şəxslərə və aztəminatlı ailələrə, o cümlədən şəhid ailələrinə ərzaq yardımı və tibbi maskalar çatdırılır.

4000 ailə üçün nəzərdə tutulan yardımları vətəndaşlara çatdıran FHN əməkdaşları ölkəmizdə koronavirusun (COVID-19) geniş yayılmasının qarşısının alınması məqsədilə onlarla maarifləndirici söhbətlər də aparır, sosial məsafənin qorunması, tibbi maskalardan istifadə və digər sanitar-gigiyenik tələblərə əməl edilməsinin vacibliyini bildirirlər.

KATEQORIYA:
TEQLƏR
Bu xəbəri paylaş