“İdrak” şirkəti ilə AzTU arasında əməkdaşlıq imkanları müzakirə olunub

“İdrak” şirkəti ilə AzTU arasında əməkdaşlıq imkanları müzakirə olunub

Avqustun 13-də “İDRAK Texnoloji Transfer” şirkətinin prezidenti Hikmət Abdullayev Azərbaycan Texniki Universitetində (AzTU) rektor Vilayət Vəliyevlə görüşüb.

Bu barədə Azeri Defence saytına AzTU-nun mətbuat xidmətindən məlumat verilib.

Rektor AzTU-da aparılan elmi-tədqiqatlar, professor-müəllim heyətinin və tələbələrin hazırladıqları texnoloji həllər və onların sənayedə tətbiqi barədə qonağa ətraflı məlumat verib. Bildirib ki, belə layihələrin əmək bazarına transferi üçün universitet-sənaye iş birliyinin inkişafı prioritet vəzifələrdəndir. Hikmət Abdullayev də rəhbərlik etdiyi şirkətin AzTU ilə əməkdaşlıqda maraqlı olduğunu qeyd edib. Daha sonra universitetin tədqiqatçılarının hazırladıqları layihələrə baxış keçirilib.

Qeyd edək ki, yaxın günlərdə AzTU ilə “İDRAK Texnoloji Transfer” şirkəti arasında əməkdaşlıq haqqında memorandum imzalanacaq.

KATEQORIYA:
TEQLƏR
Bu xəbəri paylaş