İlham Əliyev: Bundan sonra bu torpaqda biz yaşayacağıq, necə ki, əsrlərboyu bizim xalqımız yaşayıb

İlham Əliyev: Bundan sonra bu torpaqda biz yaşayacağıq, necə ki, əsrlərboyu bizim xalqımız yaşayıb

Füzuli şəhəri işğalçılardan azad edilib. Füzuli şəhərində Azərbaycan bayrağı qaldırılıb. Biz Füzuliyə qayıtmışıq. Ancaq indi yol boyunca dağıdılmış kəndləri və Füzuli şəhərini dağılmış vəziyyətdə görəndə adamın ürəyi ağrıyır. Vəhşilər bizim şəhərimizi nə günə salıblar?! Evləri dağıdıblar, bütün infrastrukturu dağıdıblar, bir dənə də salamat bina yoxdur.

“Azeri Defence” saytının məlumatına görə, bu barədə Prezident İlham Əliyev işğaldan azad olunmuş Füzuli şəhərində Azərbaycan bayrağını qaldırdıqdan sonra çıxış edərkən bildirib.

Dövlət başçısı deyib ki, bütün dünya görməlidir erməni vəhşiliyi nə deməkdir və bütün dünyaya biz bunu göstərəcəyik: “Təkcə Füzuli yox, Ağdam şəhəri nə gündədir, başqa şəhərlər. Sanki bu torpaqlardan bir vəhşi qəbilə keçib. Hər şeyi dağıdıb, talan edib, bizim mədəni, tarixi, dini irsimizi silmək istəyib, ancaq istədiyinə nail ola bilməyib. Çünki biz gəlməli idik, qayıtmalı idik. Gəlmişik və qayıtmışıq. Düşməni qovmuşuq torpaqlarımızdan, Azərbaycanın Dövlət Bayrağını ucaltmışıq. Bundan sonra bu torpaqda biz yaşayacağıq, necə ki, əsrlərboyu biz yaşamışıq, bizim xalqımız yaşayıb”.

 

KATEQORIYA:
Bu xəbəri paylaş