İran “Hamaseh” zərbə PUA-sını silahlanmaya daxil edib

İran istehsalı olan “Hamaseh” zərbə pilotsuz uçuş aparatı (PUA) silahlanmaya qəbul olunub.

“AzeriDefence”nin yerli mediaya istinadən verdiyi məlumatına görə, ilk dəfə 2013-cü ildə təqdim olunan “Hamaseh”in sınaqları artıq yekunlaşıb. PUA-nın ilk partiyası İran Silahlı Qüvvələrinin İslam İnqilabı Keşikçiləri Korpusuna verilib.

Xəbərdə bildirilib ki, kəşfiyyat-zərbə PUA-sı olan “Hamaseh”in uçuş müddəti haqda məlumat verilməsə də, bu istiqamətdə imkanının geniş olduğu qeyd olunub.

PUA-nın hər iki qanadı mərmi ilə təchiz edilib, şassi bölməsində isə radiolakasiya sistemi quraşdırılıb. PUA-nın yuxarı ön hissəsində isə peyk antenası, həmçinin görmə cihazı yerləşdirilib.

 

KATEQORIYA:
Bu xəbəri paylaş