Latviya İsveçdən RBS-70 raketləri alır

Latviyanın Müdafiə Nazirliyi İsveçin Saab şirkəti ilə RBS-70 raketlərin satınalınmasına dair müqavilə bağlayıb.

Bu barədə “AzeriDefence” Saab şirkətinin mətbuat mərkəzinə istinadən məlumat verib.

Raketlərin sifarişçiyə çatdırılması 2015-2016-cı illər ərzində baş tutacaq.

Müqaviləyə raketlərin çatdırılması, təlimi və gələcəkdə əlavə sifariş seçimi daxildir.

Qeyd edək ki, Latviya RBS-70 raketlərinin ilk partiyasını 2004-cü ildə alıb.

Qısa mənzilli yerüstü hava hücumundan müdafiə raket sistemlərinə daxil olan RBS-70 hazırda 19 ölkənin (1600-dən çox) silahlanmasında yer alır. Saab bu yaxınlarda adıçəkilən raketin RBS-70NG adlı yeni nəslinin yaradılmasına başlanıldığını elan edib.

KATEQORIYA:
Bu xəbəri paylaş