MSN: “Araz” zavodunda baş vermiş hadisənin nəticələri aradan qaldırılır

Azərbaycan Müdafiə Sənayesi Nazirliyinin (MSN) Şirvan “Araz” zavodunda İyulun 26-da baş vermiş hadisənin araşdırılması məqsədilə yaradılan Dövlət Komissiyası öz işini davam etdirir.

Bu barədə “AzeriDefence”yə MSN-nin mətbuat xidmətindən məlumat verilib.

Baş vermiş hadisənin nəticələrinin aradan qaldırılması işlərinə başlanılıb.

Hadisə zamanı xəsarət alan iki nəfərin müalicəsi davam etdirilir.

Nazirlik bildirir ki, bütün bunlara baxmayaraq bəzi kütləvi informasiya vasitələri həqiqətə uyğun olmayan əsassız və qərəzli məlumatlar yayırlar: “Bu da heç bir jurnalist etikasına sığmır. Bir daha qeyd edirik ki, məsələ ilə bağlı məlumat yayarkən nazirliyin mətbuat katibliyindən verilən məlumatlara istinad edilməlidir. Əks halda nazirlik öz hüquqlarını qorumaq üçün müvafiq qaydada məhkəmə orqanlarına müraciət edəcək”.

KATEQORIYA:
Bu xəbəri paylaş