Müdafiə Nazirliyi: Əlahiddə Ümumqoşun Ordunun tankçıları peşəkarlıq nümayiş etdirirlər – VİDEO

Müdafiə Nazirliyi: Əlahiddə Ümumqoşun Ordunun tankçıları peşəkarlıq nümayiş etdirirlər – VİDEO

Naxçıvan Qarnizonu Qoşunlarında yay tədris dövrünün planına uyğun olaraq bölmələr tərkibində təşkil olunan məşğələlərdə Əlahiddə Ümumqoşun Ordunun tankçıları peşəkarlıq nümayiş etdirirlər.

Bu barədə Azeri Defence saytına Müdafiə Nazirliyinin mətbuat xidmətindən məlumat verilib.

Əlahiddə Ümumqoşun Ordunun birləşmə və hissələrinin Təlim-Tədris Mərkəzlərində quraşdırılmış xüsusi proqram təminatlı kompüterlərdə və müxtəlif məşq qurğularında şəxsi heyətin sürücülük və atəş  üzrə bacarıqları təkmilləşdirilir.

Tank bölmələri ilə keçirilən məşğələlərdə əsas diqqət şəxsi heyətin ərazinin çətin relyef və məhdudgörmə şəraitində  texnikanı bacarıqla idarə etməsinə, döyüş sahəsində hədəfləri qısa zamanda məhv edərək döyüş tapşırığının müvəffəqiyyətlə icrasına yönəldilir.
Virtual təlim meydanında mərmi və yanacaq sərf etmədən qazanılan bacarıqlar səhra şəraitində təşkil olunan praktiki məşğələlərdə yerinə yetirilmiş tapşırıqların icra vəziyyəti ilə qiymətləndirilir.

Hazırda tank birləşmələrində olduğu kimi Naxçıvan Qarnizonu Qoşunlarının bütün birləşmə, hissə və bölmələrində həm virtual həm də təlim mərkəzlərində praktiki məşğələlər keçirilir.

KATEQORIYA:
Bu xəbəri paylaş