Müdafiə Nazirliyi müddətdən artıq həqiqi hərbi xidmət keçmək istəyən vətəndaşlara müraciət edib

Azərbaycan Müdafiə Nazirliyi Silahlı Qüvvələrdə müddətdən artıq həqiqi hərbi xidmət keçmək istəyən vətəndaşlara müraciət edib. Bu barədə “AzeriDefence”yə Müdafiə Nazirliyinin mətbuat xidmətindən məlumat verilib.

Müdafiə Nazirliyi bildirir ki, müddətdən artıq həqiqi hərbi xidmətə daxil olmaq arzusunda olan hərbi vəzifəlilər hərbi xidmət keçmək istədikləri hərbi hissələrin komandanlığına müraciət edə bilərlər.

Məhkumluğu olan, əvvəllər əsgər, matros və çavuş vəzifələrində bağlaşma əsasında könüllü hərbi xidmətdə olarkən hərbi qulluqçuların şərəfini ləkələyən, nalayiq hərəkətlər törətdiyinə görə həqiqi hərbi xidmətdən ehtiyata buraxılan hərbi qulluqçuların təkrarən müddətdən artıq həqiqi hərbi xidmətə qəbul olunmaları üçün müraciət etməmələri xahiş olunur.

KATEQORIYA:
Bu xəbəri paylaş