Azərbaycan Müdafiə Nazirliyi: “Siyasi və Hərbi Analiz İnstitunun direktor müavini ordumuzdakı proseslərdən bixəbərdir” 

Müdafiə Nazirliyi Rusiyanın “Voenno-promışlennıy kuryer” saytında dərc edilmiş Azərbaycana dair məqaləyə reaksiya verib.

“AzeriDefence”nin məlumatına görə, adıçəkilən saytda Siyasi və Hərbi Analiz İnstitunun direktor müavini Aleksandr Xramçixinin Azərbaycana dair məqaləsi ilə bağlı sorğuya cavab olaraq, Müdafiə Nazirliyindən bildirilib ki, yazını oxuyarkən müəllifin baş verən proseslərdən bixəbər olduğu aydın görünür.

“Məqalədə sadalanan faktlar və rəqəmlər artıq köhnədir. Azərbaycan qısa bir dövrdə arsenalda olan silah və texnikanın ən müasir, yüksək dəqiqliyə və dağıdıcı gücə malik olanları ilə yenilənməsi işini həyata keçirib və bu proses artan templə davam edir. Müəllifin mülahizələri çox vaxt yersizdir, indiki vəziyyəti, regiondakı prosesləri real əks etdirmir” – deyə, cavabda qeyd oluub.

Nazirlikdən bildirilib ki, Azərbaycan işğalçı, separatçı cinayətkarlardan ibarət qurumla mübarizə aparmağa yetərincə gücə, qüdrətə malikdir. İşğalçı Ermənistan ilə aktiv hərbi əməliyyatlara başlamamasının yeganə səbəbi isə dövlətimizin yürütdüyü sülsevər siyasət və beynəlxalq qanunlara hörmətlə yanaşmasıdır.

Əks-təqdirdə Azərbaycan Silahlı Qüvvələrinin istifadəsində olan silah və texnikanın gücü nəinki Dağlıq Qarabağda olan işğalçı erməni birləşmələrini darmadağın etməyə, hətta Ermənistan ərazisindəki istənilən obyekti məhv etməyə yetər.

KATEQORIYA:
Bu xəbəri paylaş