NASA-nın qadın astronavtı Silahlı Qüvvələrin Hərbi Akademiyasında olub
ABŞ-ın Azərbaycandakı səfirliyinin təşkilatçılığı ilə Bakıya səfər edən NASA-nın qadın astronavtı, “Space Shuttle” ekipajının üzvü, 1-ci dərəcli kapitan Haydemari Marta Stefanişin-Payper Silahlı Qüvvələrin Hərbi Akademiyasının qonağı olub.
Bu barədə “AzeriDefence”yə Müdafiə Nazirliyinin mətbuat xidmətindən məlumat verilib.
Görüşdə H.Payper Hərbi Akademiyanın professor-müəllim heyətinə və dinləyicilərə fəaliyyəti və kosmosa uçuşları barədə məlumat verib.
Azərbaycana ilk dəfə gəldiyini deyən NASA nümayəndəsi Azərbaycan haqqında təəssüratlarını bölüşüb.
KATEQORIYA: Müdafiə