NATO-nun mobil qrupu tərəfindən Bakıda təlim kursu keçirilib

NATO-nun Quru Qoşunları İzmir komandanlığının mobil təlim qrupu tərəfindən Bakıda “NATO standartlarına uyğun kəşfiyyatla tanışlıq” mövzusunda kurs təşkil edilib.

Bu barədə “AzeriDefence”yə Müdafiə Nazirliyinin mətbuat xidmətindən məlumat verilib.

Təlim kursu Dövlət Təhlükəsizliyi Xidmətinin Beynəlxalq Antiterror Təlim Mərkəzində Müdafiə Nazirliyinin və Dövlət Təhlükəsizliyi Xidmətinin nümayəndələrinin birgə iştirakı ilə təşkil olunub.

İştirakçılara operativ və taktiki səviyyədə “Döyüş sahəsinin hazırlığı”, “Məlumatların toplanılması, təhlili və ötürülməsi” və digər mövzularda mühazirələr təqdim olunub, eləcə də praktiki vərdişlərin artırılması məqsədilə sülhməramlı əməliyyatlar ssenarisinə uyğun komanda-qərargah məşqləri keçirilib.

mobiltelimqrp1

KATEQORIYA:
Bu xəbəri paylaş