Naxçıvanda şəhid ailələri və yaralananlara Dəstək Fondunun saytı yaradılıb

Naxçıvanda şəhid ailələri və yaralananlara Dəstək Fondunun saytı yaradılıb

Naxçıvan Muxtar Respublikasında Azərbaycanın ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondunun saytı yaradılıb.

“Azeri Defence”nin məlumatına görə, http://destekfondu.nmr.az domenində fəaliyyət göstərən sayta daxil olmaqla Azərbaycanın ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək vermək mümkündür.

Saytın “Köçürmələr” bölümündə könüllü olaraq maliyyə vəsaiti şəklində yardımlar edən hüquqi və fiziki şəxslərin siyahısı və yardımın miqdarı yer alır.

Saytın “Müraciət” bölümündəki “Şəhid ailələri” və “Müharibədə yaralananlar” alt bölümlərinə daxil olub qeydiyyatdan keçməklə müraciət ünvanlamaq mümkündür.

Qeyd edək ki, Naxçıvan Muxtar Respublikası Ali Məclisinin Sədri Vasif Talıbov dekabrın 14-də Azərbaycanın ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondunun yaradılması haqqında Fərman imzalayıb. Fond və onun yeni saytı bu kateqoriyadan olan şəxslərə əlavə dəstək verilməsi məqsədilə yaradılıb.

KATEQORIYA:
Bu xəbəri paylaş