Operativ qərargah rəisi: Bu günədək 11 ədəd “Elbrus” ballistik raketinin qalıqları aşkar olunaraq götürülüb

Operativ qərargah rəisi: Bu günədək 11 ədəd “Elbrus” ballistik raketinin qalıqları aşkar olunaraq götürülüb

Sentyabrın 27-dən başlayaraq düşmən tərəfindən mülki əhaliyə qadağan olunmuş mərmilər atılıb. Belə ki, oktyabrın 3-dən 4-nə keçən gecə Yevlax, Goranboy və Ağcabədi rayonları ərazisində kaset bombaları və bombacıqları aşkarlanıb. İndiyədək 1142 ədəd belə bombacıq aşkarlanaraq götürülüb.

Azeri Defence saytının məlumatına görə, bunu ANAMA-nın operativ qərargahının rəisi İdris İsmayılov deyib. O qeyd edib ki, bu silahların dünyada dinc əhaliyə qarşı istifadə olunması qadağandır.

İdris İsmayılov bildirib ki, eləcə də Füzuli rayonunun Arayatlı kəndi ərazisində tərkibində 3,6 kiloqram ağ fosfor olan tüstülü mərmi aşkarlanaraq zərərsizləşdirilib. Bu günədək 11 ədəd “Elbrus” ballistik raketinin qalıqları aşkar olunaraq götürülüb.

Operativ qərargahının rəisi bildirib ki, ANAMA-nın Horadiz bazasındakı əməkdaşı oktyabrın 9-da səhər saatlarında top mərmisinin atılması nəticəsində müxtəlif dərəcəli bədən xəsarətləri alıb. Hazırda onun vəziyyəti yaxşıdır.

İdris İsmayılov deyib ki, yerli sakinlərin məlumatlandırılması məqsədilə ANAMA-nın mina maarifləndirmə qrupları düşmənin atdığı mərmilərin, bombacıqların və digər hərbi təyinatlı əşyaların fotoşəkillərini insanların sıx toplaşdığı ərazilərdə paylayır. İndiyədək üç minə yaxın yerli sakin bu barədə məlumatlandırılıb. Maarifləndirmə tədbirləri hazırda da davam etdirilir.

KATEQORIYA:
TEQLƏR
Bu xəbəri paylaş