Özbəkistan yerli müəssisədə müasirləşdirilmiş artilleriya sistemlərini sınaqdan keçirib

Özbəkistan yerli müəssisədə müasirləşdirilmiş artilleriya sistemlərini sınaqdan keçirib

Özbəkistanın Dövlət Hərbi Sənaye Komitəsinin müəssisələri tərəfindən Müdafiə Nazirliyinin sifarişi üzrə müasirləşdirilmiş artilleriya sistemlərinin sınaqları keçirilib.

“AzeriDefence”nin Özbəkistan KİV-lərinə istinadən verdiyi məlumata görə, Mərkəz Hərbi Dairəsinin Kattakurqan poliqonunda keçirilmiş sınaqlarda müasirləşdirilmiş 120 mm “Nona” minaatanı və 122 mm GM-21MK yaylım atəşli reaktiv sistemləri (bir nümunə “Ural” digəri “KamAZ2 şassisində) iştirak edib.

Fotolardan göründüyü qədər 120 mm çaplı “Nona”nın qülləsi baza versiyasından fərqli olaraq BTR-60 zirehli transportyorun şassisi üzərinə qurulub. “Nəticədə maşının hərəkət sürəti 80 km/saatadək artıb. Həmçinin hərəkət zamanı hədəflərin məhv edilməsinin sürəti yüksəlib”, – deyə Özbəkistanın Müdafiə Nazirliyi bəyan edib.

Müasirləşdirilmiş YARS-larda isə şassi dəyişdirilməklə yanaşı, döyüş maşınları müasir atəş-idarəetmə sistemi və naviqasiya cihazları, həmçinin məsafədən idarə etmə sistemi ilə təchiz olunub. Müasirləşdirilmiş YARS-in xaricdən alınan yeni reaktiv mərmilərlə 40 km-ə çatdırılıb.

“KamAZ-43118” şassisində quraşdırılmış yaylım atəşli reaktiv sistemə GM-21MK “Boran” indeksi verilib.

 

 

KATEQORIYA:
Bu xəbəri paylaş