Pakistan Çindən LY-80 LOMADS zenit-raket kompleksi alıb

Pakistan Silahlı Qüvvələri Çindən LY-80 LOMADS zenit-raket kompleksi alıb.

Bu barədə “AzeriDefence” Pakistan Silahlı Qüvvələrinin İctimaiyyətlə Əlaqələr Mərkəzinə (İSPR) istinadən məlumat verib.

Pakistan Quru Qoşunların Komandanı general-leytenant Qamar Cavid Bajvanın iştirakı ilə LY-80 LOMADS zenit-raket kompleksinin təqdimatı keçirilib.

2014-2015-ci ildə Pakistan Müdafiə Nazirliyi və Çinin “Aerospace Long-March International Trade Co Ltd” (ALIT) dövlət şirkəti arasında 373 milyon ABŞ dolları dəyərində müqavilə imzalanıb.

Müqaviləyə əsasən ALIT şirkəti tərəfindən Pakistan Silahlı Qüvvələri üçün 6 kompleks LY-80 çatdırılması nəzərdə tutulub.

Kompleks 15 metrdən 18000 metrədək yüksəklikdə və 42 km uzaqda olan hədəfləri vurmaq imkanına sahibdir.

 

KATEQORIYA:
Bu xəbəri paylaş