Pakistanın müdafiə sənayesi naziri: “Təyyarələrin Azərbaycana satışında heç bir problem yoxdur”

Pakistan Azərbaycanla müdafiə sənayesi sektorunda əməkdaşlığı genişləndirməyə və birgə layihələr həyata keçirməyə maraqlıdır.

Bunu “AzeriDefence”yə açıqlamasında Pakistanın müdafiə sənayesi naziri Rana Tanver Hüseyn bildirib.

Nazir qeyd edib ki, Pakistanın Azərbaycan ilə müdafiə sahəsində yaxşı əlaqələri var və bu yaxın perspektivdə daha da genişlənəcək.

“Azərbaycan prezidentinin Pakistana səfəri bu əlaqələri daha da dƏrnləşdirəcək. Biz Azərbaycanı qardaş olaraq görürük və ona görə əməkdaşlığı dərinləşdirməyə çalışırıq. Biz Azərbaycanla geniş spektrdə – kiçikçaplı silah və sursat istehsalından təyyarə istehsalına qədər əməkdaşlıq etməyi hədəfləyirik. Birgə müəssisələrin yaradılmasına və texnologiya transferinə hazırıq”,- deyə nazir qeyd edib .

Pakistanın müdafiə sənayesi naziri JF-17 “Thunder” döyüş və “Super Mushshak” təlim təyyarəsinin Azərbaycana satışında heç bir problemin olmadığını və mövcud olan bəzi anlaşılmazlıqların (mühərrik və radar) aradan qaldırıldığını qeyd edib: “Ümimi yanaşmada isə heç bir problem yoxdur. Biz “Super Mushshak” təyyarəsinin Azərbaycana çatdırılmasına hazırıq”.

KATEQORIYA:
Bu xəbəri paylaş