Prezident DTX-nin hərbi qulluqçularını ali hərbi rütbə, orden və medallarla təltif etdi

Prezident İlham Əliyev Dövlət Təhlükəsizliyi Xidmətinin (DTX) bir qrup hərbi qulluqçusunun təltif edilməsi barədə sərəncamlar imzalayıb.

“AzeriDefence”nin Prezidentin saytına istinadən verdiyi məlumata görə, DTX-nin hərbi qulluqçuları polkovnik Rəşad Həmzəyev və İmran Tağı-zadəyə general-mayor ali hərbi rütbəsi, ədliyyə polkovniki Həsən Mansurova isə ədliyyə general-mayoru ali hərbi rütbəsi verilib.

Dövlət başçısının digər sərəncamı ilə, Azərbaycan Respublikasında milli təhlükəsizliyin təmin edilməsində, xarici xüsusi xidmət orqanlarının kəşfiyyat-pozuculuq fəaliyyətinin qarşısının alınmasında, beynəlxalq terrorçuluq və transmilli mütəşəkkil cinayətkarlıqla mübarizədə fərqləndiklərinə görə DTX-nin 2 hərbi qulluqçusu 3-cü dərəcəli “Vətənə xidmətə görə” ordeni, 5 hərbi qulluqçusu “Vətən uğrunda” medalı, 3 hərbi qulluqçusu “İgidliyə görə” medalı, 9 hərbi qulluqçusu isə “Hərbi xidmətlərə görə” medalı ilə təltif olunub.

KATEQORIYA:
Bu xəbəri paylaş