Prezident İlham Əliyev və Vladimir Putin arasında telefon danışığı olub

Prezident İlham Əliyev və Vladimir Putin arasında telefon danışığı olub

Noyabrın 24-də Azərbaycanın Prezidenti İlham Əliyev ilə Rusiyanın Prezidenti Vladimir Putin arasında telefon danışığı olub.

Bu barədə Azeri Defence saytı Prezidentin mətbuat xidmətinə istinadən məlumat verib.

Telefon danışığı zamanı Azərbaycan Prezidentinin, Rusiya Prezidentinin və Ermənistanın baş nazirinin 10 noyabr tarixli birgə Bəyanatının bəndlərinin yerinə yetirilməsi ilə bağlı məsələlər müzakirə edilib, davamlı atəşkəs rejimindən, Rusiya sülhməramlı missiyasının rəhbərliyi ilə Azərbaycanın müvafiq strukturlarının rəhbərliyi arasında sıx əlaqələrin yaradılmasından məmnunluq bildirilib.

Dövlət başçıları, həmçinin azərbaycanlı və erməni əhaliyə humanitar yardım göstərilməsi məsələlərini müzakirə ediblər. Söhbətin gedişində 10 noyabr tarixli birgə Bəyanatın bəndlərinə müvafiq olaraq nəqliyyat infrastrukturunun inşası və nəqliyyat kommunikasiyalarının açılması məsələləri müzakirə edilib. Regionda uzunmüddətli sülhün təmin ediləcəyinə əminlik bildirilib.

KATEQORIYA:
Bu xəbəri paylaş