Prezidentin köməkçisi “Qazax” əlahiddə sərhəd diviziyasına səfər edib – FOTOLAR

Prezidentin köməkçisi “Qazax” əlahiddə sərhəd diviziyasına səfər edib – FOTOLAR

Prezidentin köməkçisi – Azərbaycan Respublikası Prezidentinin Administrasiyasının Hərbi məsələlər şöbəsinin müdiri general-polkovnik Məhərrəm Əliyev və Dövlət Sərhəd Xidmətinin (DSX) rəisi general-polkovnik Elçin Quliyev DSX Sərhəd Qoşunlarının “Qazax” əlahiddə sərhəd diviziyasının hərbi hissə və bölmələrinə səfər ediblər.

Bu barədə Azeri Defence saytına DSX-nin mətbuat mərkəzindən məlumat verilib.

Səfər çərçivəsində Azərbaycan Respublikasının Prezidenti Si-lahlı Qüvvələrin Ali Baş Komandanı İlham Əliyevin tapşırıqlarının icra vəziyyəti yoxlanılıb. Hərbi qulluqçuların xidməti və yaşayış şəraitlərinə baxış keçirilib. Ermənistanla dövlət sərhədindəki sərhəd-döyüş məntəqələrində xidmət aparan sərhədçilərlə görüşülüb.

“Qazax” əlahiddə sərhəd diviziyasında hərbi tikinti-quruculuq işlərinin gedişatı nəzərdən keçirilib. Dövlət sərhədində zəruri sərhəd mühafizə və müdafiə infrastrukturunun daha da gücləndirilməsi tədbirlərilə tanış olunub, hərbi hissə və bölmələrin döyüş hazırlığının yüksəldilməsi, dövlət sərhədinin toxunulmazlığının və şəxsi heyətin təhlükəsizliyinin təmin edilməsi istiqamətində zəruri tapşırıqlar verilib.

KATEQORIYA:
TEQLƏR
Bu xəbəri paylaş