Rusiya Ordusu T-80BVM tankları əldə edib

Rusiya Ordusu T-80BVM tankları əldə edib

Rusiyanın Sialhlı Qüvvələrinin Qərb Hərbi Dairəsinin Kantemirovskaya tank bölmələri modernləşdirilmiş T-80BVM tankları ilə təchiz edilib.

Bu barədə Azeri Defence saytı Rusiya Müdafiə Nazirliyinin mətbuat xidmətinə istinadən məlumat verib.

Məlumatda bildirilib ki, QHD-nin tank bölmələri 10 ədəd modernləşdirilmiş T-80BVM döyüş texnikası əldə edib. Alabino təlim poliqonunda hərbi texnikanın təhvil verilmə mərasimi keçirilib.

Modernləşmə nəticəsində T-80BVM tankının bütün əsas xüsusiyyətləri, o cümlədən atış gücü, təhlükəsizliyi, manevr imkanları artırılıb. Habelə gündüz/gecə və məhdud görünmə şəraitində bütün növ silah-sursatın atəş dairəsi artırılıb.

Həmçinin tankın dinamik müdafiəsi əhəmiyyətli dərəcədə yaxşılaşdırılıb. T-80BVM müasir tank əleyhinə silahlardan zirehli mühafizə sistemi ilə təchiz olunub. Şassi təkmilləşdirilib.

Məlumatda o da qeyd olunub ki, gələn həftə modernləşdirilmiş T-80BVM tankların atış sınaqları keçiriləcək.

KATEQORIYA:
TEQLƏR
Bu xəbəri paylaş