Rusiya Qafqazda irimiqyaslı hərbi təlimlərə başlayacaq

Rusiya Silahlı Qüvvələri Qafqazda irimiqyaslı strateji komanda-qərargah təlimlər keçirəcək.

“AzeriDefence”nin Rusiya Müdafiə Nazirliyinə istinadən verdiyi məlumatına görə, “Qafqaz-2016” adlandırılan təlimlər Cənub, Şimali Qafqaz və Krım federal dairələrinin ərazisində həyata keçiriləcək.

Rusiyanın müdafiə naziri Serqey Şoyqu təlimlərlə bağlı danışarkən deyib ki, burada məqsəd ölkənin cənub-qərb istiqamətində hərbi imkanlarını müəyyənləşdirmək, döyüş bacarığını artırmaqdır.

Təlimlər çərçivəsində Cənub hərbi dairəsinə daxil olan qoşun birləşmlərinin döyüş və mobil imkanları da yoxlanılacaq.

Cənub hərbi dairəsinin komandanı, general-polkovnik Aleksandr Qalkin isə bildirib ki, təlimlərdə əsas diqqət aviasiya, dəniz və quru qoşunların imkanlarının müəyyənləşdirilməsinə yönəldiləcək.

Təlimlər 2016-cı ilin sentyabrında başlanacaq.

 

KATEQORIYA:
Bu xəbəri paylaş