Rusiya Tacikistana təmənnasız bu silah-texnikaları verdi – FOTOLAR

Rusiya silah və hərbi-texniki avadanlığın növbəti partiyasını Tacikistan Silahlı Qüvvələrinə təhvil verib.

“AzeriDefence” Rusiya mediasına istinadən xəbər verir ki, silah-texnikanın təhvili mərasimində Rusiya Müdafiə Nazirliyinin beynəlxalq hərbi əməkdaşlığının baş idarəsinin rəisi, general-mayor Aleksandr Kşimovskiy iştirak edib.

General bildirib ki, Tacikistana verilən silah və hərbi texnikalar ölkəyə Əfqanıstanla sərhəddə terror təhlükəsini aradan qaldırılmaq və Ordunun imkanlarını genişləndirmək imkanı verəcək.

Bildirilib ki, çatdırılmaya T-72B1 tankları, BTR-80 və BTR-70 zirehli transportyorlrı, BMP-2 piyada döyüş maşınları, Mi-24 döyüş helikopterləri və Mi-8 hərbi-nəqliyyat helikopterləri, həmçinin D-30 haubitsaları, zenit qurğuları, tibbi və topoqrafik avadanlıqlar, zirehli texnikaların ehtiyat hissələri, rabitə vasitələri və böyük miqdarda atıcı silahlar daxildir.

General A.Kşimovskiy 2017-ci ildə Rusiyanın təmənnasız olaraq Tacikistana 122 milyon ABŞ dolları dəyərində hərbi təyinatlı məhsullar tədarük etdiyini vurğulayıb.

https://youtu.be/yJCyteCKpnk

 

KATEQORIYA:
Bu xəbəri paylaş