Türkiyə dördüncü A-400M təyyarəsini alıb

İspaniyanın “Airbus Military” şirkətinin Türkiyə Hərbi Hava Qüvvələri üçün istehsal etdiyi A-400M hərbi nəqliyyat təyyarələrinin sifarişçiyə təhvil verilməsi davam etdirilir.

“AzeriDefence”in xəbərinə görə, Türkiyə Milli Müdafiə Nazirliyi Hərbi Hava Qüvvələrinin 4-cü A-400M təyyarəsini təhvil alıdığı barədə məlumat yayıb.

Müqaviləyə əsasən “Airbus Military” şirkəti Türkiyə Hərbi Hava Qüvvələri üçün 10 ədəd A-400M hərbi nəqliyyat təyyarə istehsal edəcək.

5-ci təyyarənin 2017-ci il ərzində, toplam olaraq isə 10 ədəd təyyarənin 2019-cu ilin sonuna qədər sifarişçiyə təhvil verilməsi planlaşdırılır.

Dörd mühərrikə sahib A-400M hərbi nəqliyyat təyyarəsinin maksimum qalxma çəkisi 141 ton təşkil edir. Təyyarə 116 tam təchizatlı desant, 66 xərək və 25 sanitar personal və 37 000 kq yük daşıma qabiliyyətinə malikdir.

KATEQORIYA:
Bu xəbəri paylaş