“Vətən müharibəsində arxa cəbhədə xidmətlərə görə” medalla kimlərin təltif olunacağı müəyyənləşib

“Vətən müharibəsində arxa cəbhədə xidmətlərə görə” medalla kimlərin təltif olunacağı müəyyənləşib

“Vətən müharibəsində arxa cəbhədə xidmətlərə görə” Azərbaycanın medalı haqqında Əsasnamə təsdiqlənib.

“Azeri Defence”nin məlumatına görə, Əsasnamə Azərbaycan Respublikasının 2020-ci il 26 noyabr tarixli
Qanunu ilə təsdiq edilib.

Təltif edilən şəxslər

“Vətən müharibəsində arxa cəbhədə xidmətlərə görə” Azərbaycan Respublikasının medalı ilə Azərbaycan Respublikasının işğal edilmiş ərazilərinin azad olunması və dövlət sərhədlərinin mühafizəsi zamanı arxa cəbhədə döyüş təminatı tapşırıqlarının yerinə yetirilməsində fərqlənmiş Azərbaycan Respublikası Silahlı Qüvvələrinin hərbi qulluqçuları və mülki işçiləri, habelə fədakar əməyinə görə müvafiq icra hakimiyyəti orqanının müəyyən etdiyi orqanın (qurumun) əməkdaşları təltif edilir.

Təltif edən orqan

“Vətən müharibəsində arxa cəbhədə xidmətlərə görə” Azərbaycan Respublikasının medalı ilə bu Əsasnamənin 1-ci maddəsində göstərilən şəxslər Azərbaycan Respublikası Konstitusiyasının 109-cu maddəsinin 23-cü bəndinə uyğun olaraq təltif edilirlər.

Taxılma qaydası

“Vətən müharibəsində arxa cəbhədə xidmətlərə görə” Azərbaycan Respublikasının medalı döşün sol tərəfinə, Azərbaycan Respublikasının digər orden və medalları olduqda, “Vətən müharibəsi iştirakçısı” medalından sonra taxılır.

KATEQORIYA:
Bu xəbəri paylaş