Vaqif Dərgahlı: “Azərbaycan HHQ-ə məxsus təyyarə və helikopterin vurulması məlumatı yalandır”

Ermənistan mətbuatında guya Azərbaycan Hərbi Hava Qüvvələrinə məxsus təyyarə və helikopterin vurulması və İran ərazisinə düşməsi barədə yayılan məlumatlar yalandır və əsassızdır.

Azeri Defence saytının məlumatına görə, bu barədə Müdafiə Nazirliyinin Mətbuat Xidmətinin rəisi polkovnik Vaqif Dərgahlı mətbuata verdiyi açıqlamasında deyib.

“Bildiririk ki, Hərbi Hava Qüvvələrimizə məxsus bütün aviasiya vasitələri tam tərkibdə sıradadır və döyüş qabiliyyətlidir”, – deyə polkovnik Vaqif Dərgahlı vurğulayıb.