Yüngül nəqliyyat vasitəsinin yeni versiyası təqdim olunub – FOTO

“Polaris Defence” şirkəti MRZR yüngül nəqliyyat vasitəsinin yeni versiyasını təqdim edib.

Bu barədə “AzeriDefence” şirkətin rəsmi saytına istinadən məlumat verib.

İki oturacaqlı və turbo dizel mühərrikinə malik yeni model MRZR-D2 adını daşıyır.

MRZR-D2 yolsuzluq avtomobilinin çəkisi 454 kiloqram təşkil edir. Mobilliyi və yığcamlığı nəqliyyat vasitələrinin istənilən əraziyə daşınmasına imkan verir.

Maşının asanlıqla ağır yük helikopteriylə daşınması da mümkündür. MRZR-D2 ən ekstremal şəraitlər və ərazi missiyaları üçün nəzərdə tutulur. Bu özəlliklərinə görə ötən il apreldə nümayiş olunan MRZR-D4 modeli üçün ABŞ Dəniz Piyadaları (USMC), Xüsusi Təyinatlı Qüvvələri (USSOCOM) və Kanada Ordusu “Polaris Defence” şirkətinə sifariş verib.

Hazırda MRZR nəqliyyat vasitələri Azərbaycan da daxil olmaqla 20-dən artıq ölkənin istifadəsində yer alır.

KATEQORIYA:
Bu xəbəri paylaş